Astana Open турнирінің барлық ширек финалисі анықталды

Қазақстанның бірінші ракеткасы Александр Бублик ATP 250 Astana Open турнирінің ширек финалына шыға алмады, деп хабарлайды Zakon.kz.

Александр екінші айналымда әлемдік рейтингіде 58-орында тұрған аустриялық Себастьян Офнерден 4:6, 2:6 есебімен екі сетте жеңіліп қалды.

Енді Себастьян 1/4 финалда отандасы Доминик Тиммен кездесед.

Теннисшілер осымен бесінші рет ойнағалы жатыр. Әзірше Тим 3-1 есебімен алда тұр.

Ширек финалдық қалған матчтарда келесі теннисшілер ойнайды:

• Таллон Грикспур (Нидерланд) - Себастьян Корда (АҚШ);
• Иржи Легечка (Чехия) - Хамад Медьедович (Сербия);
• Адриан Маннарино (Франция) - Юрий Родионов (Аустрия).

Ал жұптық сында Александр Недовесов жартылай финалға бір қадам жетпей тоқтады. Қазақстандық теннисші эквадорлық Гонсало Эскобармен бірге 1/4 финалда Ариэль Беар (Уругвай)/Адам Павласекке (Чехия) 3:6, 6:4, 5:10 есебімен есе жіберді.