Астана көшелерінің бірі бірнеше күнге жабылады

Жол-құрылыс жұмыстарына байланысты, Астанадағы Мәмбетов көшесі бірнеше күнге жабылады, деп хабарлайды Zakon.kz.

Астана қаласының Көлік және жол-көлік инфрақұрылымын дамыту басқармасы елорда тұрғындары мен қонақтарына өтініш білдірді.

Онда Мәмбетов көшесінің жол төсеміне Кенесары көшесінен Бұқарбай батыр көшесіне дейінгі учаскеде ағымдағы жөндеу жүргізілгені туралы мәлімделді. Қозғалыс 2024 жылдың 6-8 мамыры аралығында толығымен жабылады.

"Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұраймыз. Уақытша қолайсыздықтар үшін кешірім сұраймыз және жол-құрылыс жұмыстарын жүргізуге түсіністікпен қарауды сұраймыз".Әкімдіктің қалалық мониторинг және жедел ден қою орталығы

Оқи отырыңыз: Астана маңындағы елді мекендердің кейбір тұрғындары электр қуатын үнемдейтін болады.