Анкарадағы лаңкестік шабуылдардан кейін Стамбулда тыйым салынған партияның 35 мүшесі тұтқындалды

Анкара шабуылынан кейін Стамбул полициясы тыйым салынған "Күрдістан жұмысшы партиясының" 35 мүшесін ұстады. Олар көшеде зорлық-зомбылық акцияларын дайындады деп күдіктелуде, деп хабарлайды Zakon.kz.

TRT Haber телеарнасының ақпаратынша, акцияларда тұтандырғыш қоспаларды қолдану жоспарланған. Тұтқындау шараларын Стамбул прокуратурасы "Күрдістан жұмысшы партиясының" 44 жақтаушысына қарсы тергеу аясында жүзеге асырды.

Бір күн бұрын Түркия ІІМ Анкарадағы шабуылға қатысқан және көздері жойылған ер мен әйел адамдардың есімдерін жариялады. Олар "Күрдістан жұмысшы партиясының" мүшелері Али Орек пен Мине Севджин Алчичек болып шықты.

23 қазанда Анкарадағы TUSAŞ түрік аэроғарыштық компаниясының авиациялық зауытында лаңкестік шабуылдың орын алған болатын. Алдын ала мәліметтер бойынша, теракттан төрт адам қаза тапты, 14 адам жарақат алды. ІІМ министрі Әли Йерликая қаза тапқандардың отбасыларына көңіл айтып, шабуылды айыптап, терроризмге қарсы күресті жалғастыруға уәде берді.