Алматының қақ ортасындағы ғимарат отқа оранды

Алматыда Төле би және Әуезов көшелерінің қиылысында алапат өрт болды, деп хабарлайды Zakon.kz.

Сағат 19: 23-те ТЖД күштері Төле би көшесі, 177 "б" мекен-жайы бойынша шақыру белгісімен оқиға орнына аттанды.

Үш қабатты ғимарат өртке оранып, ұшқындаған жалын банк орналасқан көрші ғимаратқа қауіп төндірді.

Төтенше оқиға орнында өрт сөндіру үшін екі учаске белгіленді: оңтүстік және солтүстік жақтан. Өрт сатылары қойылып, өртке қарсы оқпандар іске қосылды. Автоцистерналар су желісіне қосылды. Осылайша, судың үздіксіз берілуі қамтамасыз етілді. Оқиға орнында 10 техника, 50 жеке құрам жұмыс істеді. Алматы қаласы ТЖД баспасөз қызметі

Өрт сағат 20:35-те ауыздықталды. Өрт сөндірушілер жалынның жақын орналасқан банк ғимаратына ұласу қаупінің алдын алды.

Zakon.kz тілшісінің хабарлауынша, көшеде автокөліктердің қозғалысы шектелді. Тек қоғамдық көліктердің аталған аумақпен жүруіне рұқсат етілді.