Алматылықтарға Ботаникалық бақтың уақытша жабылатыны туралы ескерту жасалды

Алматыдағы Бас ботаникалық бақтың әкімшілігі қала тұрғындары мен қонақтарына маңызды хабарлама жасады, деп хабарлайды Zakon.kz.

Жарияланған ақпаратқа сәйкес, 2026 жылғы 2 маусым күні ботаникалық бақ аумағында жоспарлы санитарлық жұмыстардың жүргізілуіне байланысты келушілер үшін жабық болады.

Қалған күндері Бас ботаникалық бақ бұрынғы жұмыс кестесі бойынша қызмет көрсетеді: күн сайын сағат 09:00-ден 20:00-ге дейін жұмыс істейді. Кассаның техникалық үзілісі – 15:00-15:30 аралығы.

Сонымен қатар, техникалық себептерге байланысты немесе айдың алғашқы дүйсенбісі мереке күніне сәйкес келген жағдайда санитарлық күннің ауыстырылуы мүмкін екені айтылды.

Посмотреть эту публикацию в Instagram

Публикация от Главный Ботанический Сад г.Алматы (@botsadkz)

Еске салайық, бұған дейін 25 мамырда Алматының Ботаникалық бағында ең әсем гүлдердің гүлдей бастағаны хабарланған болатын. Осыған байланысты әкімшілік өсімдіктерді ұқыпсыз келушілерден қорғау үшін ережелерді күшейткен еді.