Алматыдан 434 шақырым қашықтықта жер сілкінісі болды

24 мамырда таңертең Алматы қаласынан оңтүстік-батысқа қарай 434 шақырымда жер сілкінісі болды, деп хабарлайды Zakon.kz.

ҚР ТЖМ "Сейсмологиялық бақылау және зерттеу ұлттық ғылыми орталығы" ЖШС баспасөз қызметінің хабарлауынша, бүгін, 24 мамырда Астана уақыты бойынша 05 сағат 25 минутта жер сілкінісі тіркелді.

Жер сілкінісінің ошағы Алматы қаласынан оңтүстік-батысқа қарай 434 шақырымдағы Қырғызстанда орналасқан.

Жер сілкінісінің тербелестері еліміздің аумағында сезілмеді.

Айта кетсек, 23 мамырда Талдықорған қаласынан солтүстікке қарай 12 шақырым қашықтықта жер сілкінген болатын.