Алматыда жол көлік оқиғасы салдарынан мотоцикл жүргізушісі зардап шекті

2024 жылдың 14 тамызында түнде Алматыда Сүйінбай көшесімен Райымбек даңғылының төменгі жағында автокөлік пен мотоцикл соқтығысты, деп хабарлайды Zakon.kz.

Chevrolet Enix көлігі Сүйінбай көшесімен солтүстік бағытта жүрген.

Көлікті әйел адам басқарған. Жүргізуші автобус жолағы арқылы аулаға қарай бұрылған. Ал, бұл уақытта мотоцикл автобус жолағы арқылы қозғалып келе жатқан. Алдын-ала мәлімет бойынша, әйел автобус жолағы арқылы мотоцикл жүре алады деп күтпеген.

Маневрдің қауіпсіздігіне көз жеткізбестен, ол қозғалысын жалғастырған. Осы сәтте оны Yamaha R1 мотоциклі соққан.

Мотоцикл жүргізушісі соққыдан қаншалықты қашып өтпек болғанымен, ақыр аяғында автокөлікке соқтығысқан.

Соққы салдарынан ол 10 метрге дейін ұшып кетіп, арыққа құлаған. Нәтижесінде, бірқатар дене жарақаттарын алған.

Мотоцикл жүргізушісі әртүрлі дәрежедегі жарақаттармен ауруханаға жатқызылды. Негізгі зақым аяққа түскен: үш жерден сынды

Қазіргі уақытта ол жансақтау бөлімінде. Оған операциялық көмек көрсетіледі.

ЖКО орнында жол полициясының қызметкерлері жұмыс істеді.

Бұған дейін еліміздегі ең қауіпті трассалардың бірі ерекше бақылауға алынатындығы хабарланға болатын.