Алматыда кейбір қызмет түрлеріне қайтадан тыйым салынуы мүмкін

16:54, 3 маусым 2020

Алматы қаласының бас санитарлық дәрігері Жандарбек Бекшин қалада кәсіпкерлік қызметтің жекелеген түрлерімен айналысуға қайтадан тыйым салынуы мүмкін екенін айтты, деп хабарлайды zakon.kz.

Қала тұрғындары банкет пен той жасауға тыйым салынғанына қарамастан, тамақтану орындарында бір дастарқан басына 30-40 шақты адамдардың жиналғанын байқағандарын айтып жүр.

Осы фактілерге түсінік бере отырып, Бекшин мұндай жағдайларда қала тұрғындары тауарлар мен қызметтердің сапасын бақылау үшін аумақтық әкімдіктер мен комитеттің департаменттеріне бірден хабар беру керектігін айтты.

Сонымен бірге, ол карантиндік шаралардың жұмсартылуына байланысты көптеген немқұрайлы кәсіпкерлер белгіленген карантиндік ережелерді өрескел бұзуда екендігіне де тоқталды.

Біз бұл қызмет түрлерін, тіпті ол мейрамхана, сауда және тағы басқасы болсын, барлық жағдайларды мейлінше егжей-тегжейлі зерттейміз. Біз ортақ заңдылықты бұзған нысандар қызметіне қайтадан тыйым салу мәселесін көтеретін боламыз, - деді Бекшин.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!