Алматыда бортсерікті балағаттаған Ресей азаматтары рейстен түсірілді

23:10, 24 наурыз 2023

© Сурет: polisia.kz

Алматы әуежайындағы желілік полиция бөлімінің қызметкерлері Air Astana әуекомпаниясы өкілінің актісі бойынша екі жолаушы рейстен түсірілді. Екі ер адам Алматы – Астана бағытындағы әуе рейсіне отырғызу кезінде өздерін дөрекі ұстап, бортсеріктерді балағаттаған, деп хабарлайды Zakon.kz.

Көлік полицейлері Ресей Федерациясының 34 жастағы екі азаматының мас болғанын анықтаған.

Оларға қатысты ҚР Әкімшілік құқық бұзушылық туралы кодекстің 440-бабы мен 434-бабы бойынша әкімшілік материал толтырылып, 5 АЕК мөлшерінде айыппұл салынды. Ұсақ бұзақылық бойынша материал тиісті шешім қабылдау үшін Алматының әкімшілік құқық бұзушылық жөніндегі мамандандырылған ауданаралық сотына жолданады.

Жыл басынан бері еліміздің көлік полицейлері түрлі әкімшілік құқық бұзушылықтар жасағаны үшін 12 539 азаматты әкімшілік жауапкершілікке тартты, оның ішінде алкогольдік ішімдіктерді iшкені немесе қоғамдық орындарға масаң күйде келгені үшін 1 429 адам, ұсақ бұзақылық үшін 179 адам жауапқа тартылған.

Оқи отырыңыз

Таразда Ұлттық ұлан жауынгерлері тұрғындарды өрттен құтқарды

Ақтауда өлі табылған үш бала: Күдікті ретінде балалардың әкесі ұсталды

Еліміздің үш қаласына есірткі жеткізумен айналысқан павлодарлық ұсталды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!