Алматы тауларында блок бекеттер қойылды

15:16, 22 ақпан 2026

© Сурет: Instagram/shymbulakmountainresort

Алматы қаласының таулы аймақтарында қар көшкіні қаупінің жоғары деңгейі сақталуда. ТЖМ азаматтарға қауіпсіздік шараларын қатаң сақтауды, таулы аймақтарға барудан уақытша бас тартуды ұсынады, деп хабарлайды Zakon.kz.

Cондай-ақ төтеншеліктер халықтың қауіпсіздігін қамтамасыз ету мақсатында қар көшкіні қаупі бар учаскелерде блок-бекеттер қойылғанын нақтылайды.

"Таулы аймақтарға баруды жоспарлау кезінде қалыптасқан ауа райы жағдайларын және уәкілетті қызметтердің ресми ескертулерін ескерулеріңізді сұраймыз", делінген ҚР ТЖМ-ның 2026 жылғы 22 ақпандағы хабарламасында.

Айта кетсек, синоптиктер 23 ақпанда қалада тұман болатынын, ал таулы аймақтарда жел екпіні 15-20 м/с дейін жететінін ескертіп, дауылды ескерту жариялады.

Төтеншеліктер 18 ақпанда да осындай ескерту жасап, алматылықтарды табиғи қауіптен құлақтандырған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!