“Алматы-Ташкент-Термез” автожолында көліктің барлық түрінің қозғалысына шектеу қойылды

"ҚазАвтоЖол" ҰҚ" АҚ Жамбыл облысында көлік қозғалысына шектеу қою туралы ақпаратпен бөлісті, деп хабарлайды Zakon.kz.

Республикалық маңызы бар жолдың жабыру себебі — ауа райының бұзылуы.

"2024 жылғы 6 қарашада сағат 16:00-ден 2024 жылғы 7 қараша сағат 04:00-ге дейін Жамбыл облысында ауа райының бұзылуына байланысты республикалық маңызы бар "Алматы-Ташкент-Термез" автожолының 535-593 шақырым аралығында (Айша бибі ауылынан Түркістан облысының шекарасына дейін) көліктің барлық түрінің қозғалысына шектеу қойылады",- делінген ақпаратта.

Бұған дейін 2024 жылғы 7, 8 және 9 қарашада республика бойынша ауқымды циклонның әсерінен тұрақсыз ауа райы сақталатындығы хабарланған болатын.