Алматы облысының полицейлері жол-көлік апаттарының басты себептерін атады
Алматы облысының жол сақшылары 2020 жылы облыстық және республикалық маңызы бар жолдарда орын алған жол-көлік оқиғаларына талдау жасап, көлік апаттарының басты себептерін анықтады, деп хабарлайды zakon.kz Алматы облысы ПД баспасөз қызметіне сілтеме жасап.
Биылғы 6 ай ішінде облыста 800 астам жол-көлік оқиғасы тіркелді. Былтырғы жылмен салыстырғанда бұл көрсеткіш 28,2 пайызға төмендеген.
"Автожолдардағы көлік апаттарының алдын алу мақсатында биыл орын алған барлық жол-көлік оқиғаларына толыққанды талдау жасалды. Талдау нәтижесінде көлік апаттарының басты себептерінің бірі – жүргізушілердің жылдамдық режимін сақтамауы. Жылдамдықты арттыру салдарынан 218 жол-көлік оқиғасы тіркеліп, 41 адам қаза болды. Сонымен қатар, жаяу жүргіншілердің жол ережесін сақтамауы, дұрыс маневр жасамау және жолдың қарсы бағытына шығу әрекеттері көлік апаттарын жасауға негізгі себептер тудыруда", - деді Алматы облысы ПД ресми өкілі полиция майоры Ақбота Қуанышбекқызы.
Жол ережелерін өрескел бұзған жаяу жүргіншілердің де, қозғалыс барысында жаяу жүргіншіге тиісті басымдық бермеген жүргізушінің де әкімшілік жауапкершілігі қаралатыны анық.
"Биыл жол ережелерін сақтамаған 7 429 жаяу жүргіншіге әкімшілік хаттама толтырылса, 1200 астам көлік жүргізушісі жаяу жүргіншіге басымдық бермегені үшін қолданыстағы заңнамаға сәйкес айыппұл арқалады", - деп толықтырды полицияның ресми өкілі Ақбота Қуанышбекқызы.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:19, 26 сәуір 2024
Ақтауда төрт жасар бала терезеден құлап мерт болды
-
21:53, 26 сәуір 2024
«Зорланған қыз жүкті». Полиция департаментінің бастығы Төлебидегі оқиғаға қатысты түсінік берді
-
21:16, 26 сәуір 2024
Ақтөбе облысында 20 тонна азық-түлік дәмдеуіштері бар жүк көлігі өртеніп кетті
-
20:46, 26 сәуір 2024
Путинцева Мадридте әлемнің сегізінші ракеткасынан айласын асырды
-
20:11, 26 сәуір 2024
Синоптиктер елдің 10 өңірінде қолайсыз ауа райына байланысты ескерту жасады