Алматы облысындағы тас жолда жүк көлігі отқа оранды

23:37, 30 қараша 2023
79

© Сурет: видео скрині

Алматы облысында тас жолда жүк көлігі отқа оранды. Жүргізушіге полицейлер көмектесті, деп хабарлайды Zakon.kz polisia.kz-ке сілтеме жасап.

Оқиға, 28 қараша күні Алматы-Өскемен тас жолының 24-шақырымында болған.

Көліктің қозғалтқыш бөлігінен жалын шыққанын көрген потрульдік полиция батальонының қызметкерлері жүк көлігінің жүргізушісіне дауыс шығару құрылғысы арқылы тоқтауын талап еткен.

Жүргізуші жалынды көргенде қатты таң қалған. Айтуынша, көліктің отқа оранғанын мүлдем байқамай, жүре берген.

Полицейлер ер адамға өрт сөндіру құрылғысымен жалынды ауыздықтауға жәрдем беріп, көлікті техникалық қызмет көрсету станциясына жеткізуге көмектескен.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!