Алматы облысында жедел жәрдем көлігі жаяу жүргіншіні қағып өлтірді

17:15, 13 маусым 2025

© Сурет: Zakon.kz

Алматы облысында жедел жәрдем көлігінің жүргізушісі жаяу жүргіншіні қағып кетті. Қайғылы жол-көлік оқиғасының егжей-тегжейін Zakon.kz тілшісіне облыстық полиция департаментінің баспасөз қызметі хабарлады.

Жол апаты 2025 жылғы 11 маусымда Алматы – Өскемен тасжолында болған.

"Hyundai H350 автокөлігінің жүргізушісі Алматы – Өскемен автожолының 75-шақырымында жүріп келе жатып, жаяу жүргіншіні қағып кеткен. Жол апаты салдарынан жаяу жүргінші алған жарақаттарынан оқиға орнында көз жұмды", - деп мәлімдеді Алматы облысы полиция департаментінің баспасөз қызметі.

Тәртіп сақшылары жол қозғалысына қатысушыларға қауіпсіздік ережелерін қатаң сақтауды тағы бір рет ескертті.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!