Алматы облыстық ҚХА жаңа медиа жобаны іске қосты

12:59, 29 наурыз 2023

© Сурет: pixabay

Алматы облыстық Қазақстан халқы Ассамблеясы «Bonds of Friendship» атты жаңа медиа жобаны іске қосты.

Бұл туралы облыстық ҚХА хатшылығының басшысы Жандар Асан Facebook парақшасында хабарлады.

«Жобаның басты мақсаты – өңірдегі этносаралық қатынасты дамытуға ұйытқы болып, қоғамдық келісімді сақтауға елеулі үлес қосып жүрген тұлғаларды дәріптеу», – деп жазды Жандар Асан.

Алдағы уақытта түрлі салаларда қажырлы қызмет атқарып, жұртшылық алғысына бөленіп жүрген жандардың азаматтық істері осы жоба шеңберінде кеңінен насихатталмақ.

Жандар Асанның айтуынша, бұдан бөлек, алдағы уақытта жоба аясында арнайы энциклопедиялық жинақ пен деректі фильмдер сериясы жарық көрмек.

Осы ретте айта кетейік, Алматы облысы – еліміздегі этнос өкілдері ең тығыз қоныстанған өңірлердің бірі. Бүгінде аймақта 100-ден астам этнос өкілі тұрады. Облыстық Қазақстан халқы Ассамблеясы жанынан құрылған Ақсақалдар кеңесі, Аналар кеңесі және 36 этномәдени бірлестік қоғамдық келісімді сақтауға және этносаралық тұрақтылықты қамтамасыз етуге үлес қосуда.

Бұған дейін Алматы облыстық Қазақстан халқы Ассамблеясы хатшылығының бастамасымен «Dialog» сарапшылар алаңы ашылған болатын. Аталған жобаның мақсаты – өңірдегі этносаралық қатынастарды дамыту, ішкі тұрақтылықты нығайту, ұлттар арасындағы мәдени, рухани және өзге де бағыттар бойынша өзара ынтымақтастықтың артуына үлес қосу.

Оқи отырыңыз

Альберт Рау мен Дания Еспаева мәжіліс төрағасының орынбасарлары болып сайланды

Ерлан Қошанов парламент мәжілісінің төрағасы болып сайланды

Мәжіліс депутаттары палатаның жаңа төрағасын сайлау процесіне көшті

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!