Алматы-Қорғас тас жолында көлік қағып, ауруханаға түскен балалардың бірі көз жұмды

18:14, 3 желтоқсан 2022

© Сурет: Zakon.kz

Алматы-Қорғас тас жолында Lexus көлігі қаққан балалардың бірі 2 желтоқсанда ауруханада көз жұмды, деп хабарлайды Zakon.kz.

"2 желтоқсандағы жағдай бойынша Алматы өңірлік балалар клиникалық ауруханасында жол-көлік оқиғасынан зардап шеккен үш бала травматологиялық бөлімде ем алып жатыр. Үш баланың жағдайы орташа ауырлық деңгейінде деп бағаланады. Өкінішке қарай, дәрігерлер барлық қажетті көмек көрсеткенімен, 10 жасар баланы аман алып қалу мүмкін болмады. Ол алған ауыр жарақаттары салдарынан қайтыс болды. Оның ата-анасы және жақындарына көңіл айтамыз". Алматы облысының Денсаулық сақтау басқармасы

Қайғылы оқиға 25 қарашада кешке Алматы – Қорғас тас жолында орын алды. Шелекке қарай шығыс бағытта жүйткіп бара жатқан Lexus IS көлігі кәмелетке толмаған бес жасөспірімді қағып кетті. Олардың төртеуі ауруханаға жеткізілді.

26 қарашада Алматы облысы Денсаулық сақтау басқармасының басшысы жол апатынан зардап шеккен оқушылардың жағдайымен жекелей танысты.

Оқи отырыңыз

Қытайдағы жағдай. Денсаулық министрі елімізде локдаун енгізілмейді деп сендіреді

Қазақстанда бір тәулікте 162 адам коронавирус жұқтырды

Ақтөбеде шатастырылып басқа екпе салынған оқушылар шипажайларға жіберіледі – ҚР ДСМ

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!