АҚШ-та әйел өзінің екі ұлын өлтірді деген күдікке ілінді

Техас штатында 42 жастағы Коллин Никол Леммон екі ұлын өлтірді деген айыппен қамауға алынды. Эллис округі шерифінің кеңсесі мәлімдегендей, полиция Уоксахачи қаласындағы үйге төтенше жағдай туралы хабарлама түскеннен кейін барған, деп хабарлайды Zakon.kz.

Fox News мәліметінше, құқық қорғау органдарының қызметкерлері үйдің ішінен оқ жарақатын алған екі жасөспірімді тапқан.

Сондай-ақ үйден Леммон да өміріне қауіп төндірмейтін жарақаттармен табылған. Тергеу мәліметінше, оның жанынан тапанша табылып, білектерінде өзіне өзі салған болуы мүмкін кесілген жарақаттар болған.

Іс материалдарына сәйкес, Леммон полиция қызметкерлеріне:

"Екі баламды да атып тастадым", – деп айтқан.

Әйел ұсталып, ауруханаға жеткізілді. Оған ауырлататын мән-жайлармен кісі өлтіру бойынша екі айып тағылды. Бұл қылмыс үшін өлім жазасы қарастырылған.

Texas mom tells police 'I shot both my kids' before their bodies are found inside home https://t.co/Cqu4qgZSzJ

— Daily Mail (@DailyMail) October 4, 2026

Қаза тапқандардың әкесі ұлдары үшін әділдікке қол жеткізгісі келетінін мәлімдеді.