Ақмолада әкесінің атынан 1,4 млн теңгеге несие рәсімдеген әйел ұсталды

Бурабай ауданында әйел әкесінің атынан 1,4 млн теңгеге несие рәсімдеген, деп хабарлайды Zakon.kz.

ҚР Ішкі істер министрлігінің ақпараттық ресурсы 24 қаңтарда Бурабай ауданының ПБ кезекші бөліміне жергілікті тұрғыннан өтініш келіп түскенін жазды.

Ер адам банктердің бірінде оның атына несие рәсімделгенін, банкте берешектің жалпы сомасы 1,4 млн теңге болғанын хабарлады.

Жедел-іздестіру іс-шаралары барысында күдікті анықталды, ол өтініш берушінің 24 жастағы қызы болып шықты. Қыз жәбірленушіні екінші деңгейдегі банктердің бірінде жеке кабинет ашуға көндіріп, оның атына карта мен несие рәсімдеген.

Қазіргі уақытта ҚР Қылмыстық кодекстің 190-бабының 2-бөлігі (Алаяқтық) бойынша сотқа дейінгі тергеу жүріп жатыр.