Айына – 12 мың теңге. 29 жасқа дейінгілерге жалға пәтер беріледі
29 жасқа дейінгі жұмыс істейтін жастарға сатып алу құқы қарастырылмаған жалдамалы пәтерді ұсыну тәртібі өз күшіне енді, деп хабарлайды Zakon.kz.
Сатып алу құқы қарастырылмаған жалдамалы баспана Тұрғын үй-коммуналдық қорынан жалдап тұруы үшін ҚР азаматтарына ұсынылады.
Ақысын төлеп тұратын жалдамалы баспана ҚР Үкіметінің 2018 жылғы 22 маусымдағы № 372 қаулысымен бекітілген "Нұрлы жер" мемлекеттік тұрғын үй бағдарламасында белгіленген талаптарға сәйкес жұмыс істейтін жастарға беріледі.
Мұндай пәтерді алатын азаматтар балдық жүйеге сәйкес таңдалады. Ол сұранысқа ие 100 мамандықтың тізіміндегі біріне ие болса, оған қосымша 10 балл, отбасы болғаны үшін 5 балл, әр баласы үшін бір-бірден балл, одан соң жеке бизнесі болса, 5 балл қосымша алады. Уәкілетті орган он жұмыс күні ішінде осы негізде балл қойып, оны есептеп, сол бойынша жалдамалы пәтерден үміткер бола алатын азаматтардың тізімін жасайды.
Ең біріншіден кезекте жалдамалы баспана жас отбасыларға (29 жасқа дейінгі), одан соң нарықтағы сұранысқа ие 100 мамандықтың бірінің иесіне, жас кәсіпкерлерге, бюджеттік ұйымдардың қызметкерлеріне беріледі.
Өтінішпен бірге ұсынылуы қажет құжаттар тізімі: жеке куәліктің көшірмесі, білімі туралы құжат, неке куәлігі (егер бар болса), балалардың туу туралы куәлігі (болған жағдайда).
Сондай-ақ өтініш берушінің өзінің және отбасы мүшелері атына ешқандай жылжымайтын мүлік тіркелмегені жөнінде анықтама, жұмыс орнынан анықтама, айлық табыстары 40 АЕК-тен (шамамен 100 мың теңгеден) аспайтынын растайтын соңғы 6 айдағы кірісі туралы анықтама, еңбек өтілі туралы құжаттар, банктік шотты және шоттағы ақша қалдығы туралы есеп, жеке жетістіктері туралы құжаттар (болған жағдайда) да қажет.
Пәтерді ай сайынғы жалға алу құны 10-12 мың теңгені құрайды. Оған қоса жастар 5 жылдан соң жалдамалы баспананы босатуы тиіс.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:19, 26 сәуір 2024
Ақтауда төрт жасар бала терезеден құлап мерт болды
-
21:53, 26 сәуір 2024
«Зорланған қыз жүкті». Полиция департаментінің бастығы Төлебидегі оқиғаға қатысты түсінік берді
-
21:16, 26 сәуір 2024
Ақтөбе облысында 20 тонна азық-түлік дәмдеуіштері бар жүк көлігі өртеніп кетті
-
20:46, 26 сәуір 2024
Путинцева Мадридте әлемнің сегізінші ракеткасынан айласын асырды
-
20:11, 26 сәуір 2024
Синоптиктер елдің 10 өңірінде қолайсыз ауа райына байланысты ескерту жасады