Ағаштағы бал мен бақытты бұлғын: Ұлттық парктегі фототұзаққа сирек кадрлар түсірілді

13:35, 31 желтоқсан 2025

© Сурет: wikimedia

Катонқарағай ұлттық паркінде балмен тамақтанып тұрған бұлғын бейнежазбаға түсіп қалды, деп хабарлайды Zakon.kz.

Ұлттық парктің Instagram парақшасында жарияланған мәліметке сәйкес, парк қызметкері тәтті тағамды әдейі ағашқа қалдырған.

"Жаңа жыл сіздерге Владимир Михайловичтің осы бұлғынға бал әкелгеніндей, тек жақсы жаңалықтар алып келсін. Тәтті олжасына қуанған бұлғынның сәтін Владимир Воробьев орнатқан фототұзақтағы бейнежазбалардан көріп тамашалауға болады", – деп атап өтті ұлттық парк өкілдері.