2025 жылғы қаңтардағы демалыс күнін ауыстыру: қазақстандықтар өз нұсқаларын ұсынды

2024 жылғы 21 қарашада Қазақстанның еңбек және халықты әлеуметтік қорғау министрлігі 2025 жылғы қаңтардағы демалыс күнін ауыстыруды көздейтін бұйрық дайындады. Бұған азаматтардың көзқарасы қандай, Zakon.kz материалында.

ҚР Еңбек және халықты әлеуметтік қорғау министрі қол қойған құжатқа сәйкес, демалыс күні 2025 жылғы 5 қаңтардағы жексенбіден 2025 жылғы 3 қаңтардағы жұмаға жылжиды.

Посмотреть эту публикацию в Instagram

Публикация от СМИ zakon.kz (@zakon.kz)

Қазақстандықтар еңбек министрлігінің шешімін сан қилы бағалады. Кейбірі жазбаның астына өз нұсқаларын ұсынды. Жалпылай алсақ, пікір білдіргендердің көбі дерлік демалыстың ұзақтығына наразылығын білдірді.

• Аз сияқты;
• Неліктен өзгерте береді;
• Барлық жоспарды құрып қойғанда, бұл да тамаша жаңалық болды;
• Неге халықпен санаспайды;
• Бұл хабар аса ұнай қоймады;
• Жексенбідегі жұмыс күні — бұл керемет.

Дегенмен министрліктің шешімін жақтағандар да табылды.

• Алақай!
• Маған ұнады;
• Жақсы ойластырылған;
• Қытайда тіптен демалыс жоқ қой, сондықтан осыған да қанағат!
• Керемет шешім!

Әрине, уақыт белдеуін өзгерту туралы пікірлер де табылды.

• Оданша уақыт белдеуін өзгерсеңіздер жақсы болар еді;
• Осылай уақытты да бір бұйрықпен ауыстырсаңыз болады;
• Ал, уақыт белдеуінің мәселесі қашан шешілмек?!

Сонымен, нақтыласақ.

"Бес күндік жұмыс аптасында қазақстандықтар 1-4 қаңтар аралығында, ал алты күндік жұмыс аптасында 1-3 қаңтар аралығында демалады", — делінген ведомство хабарламасында.

Бұған дейін алдағы демалыс күндері Астана мен Алматыда ауа райы қандай болатындығы хабарланған болатын.