2050 жылға қарай Қазақстанда қала халқының үлесі артады

"Еңбек ресурстарын дамыту орталығы" АҚ Болжау және зерттеу департаментінің сарапшылары 2030 және 2050 жылға қарай қала халқының саны артады деп болжайды. Толығырақ Zakon.kz ақпаратында.

Көрсеткішке сүйенсек, 2030 жылға қарай Қазақстанның қала халқының саны 13% — ға артып, 14 млн адамға жетеді, ал 2050 жылға қарай 57% — ға өсіп, 19,3 миллионды құрайды.

Бұл ретте, 2030 жылға қарай ауыл халқының саны тек 1%-ға, 7,7 млн адамға дейін, ал 2050 жылға қарай-шамамен 9%-ға, 8,2 млн адамға дейін өседі.

Ірі қалалар бойынша болжам:

• Астана қаласында – 538,3 мың адамға немесе 39%-ға, 1,9 млн адамға дейін,
• Алматы қаласында – 469,3 мың адамға немесе 21% — ға, 2 млн 664 мың адамға дейін,
• Шымкент қаласында –209,6 мың адамға немесе 17% — ға өседі, нәтижесінде 1 млн 416 мың адамға жетеді.

Бұл ретте үш мегаполистің халқы қала халқының жалпы санының 43%-ын құрайтын болады, ал 2050 жылға қарай бұл көрсеткіш 51%-ға дейін ұлғаяды.

Өңірлік бөліністе қала халқы Маңғыстау облысында 79,2 мың адамға, Ақтөбе облысында 70,3 мың адамға, Түркістанда 62,4 мың адамға өседі. Бұл ретте Шығыс Қазақстан, Солтүстік Қазақстан және Павлодар облыстарында қала халқының саны азаюы мүмкін.

Өз кезегінде 2030 жылға қарай ауыл халқының едәуір азаюы Қостанай облысында, Абай облысында және Солтүстік Қазақстан облысында болжанып отыр, онда азаю тиісінше 37,1 мың, 35,2 мың және 33,8 мың адамды құрайды.

2050 жылға қарай ЕРДО талдаушыларының есептеулеріне сәйкес Маңғыстау облысы қалаларында 736,6 мың адам тұрады, бұл 2023 жылмен салыстырғанда 384 мыңға немесе 2,1 есе көп. Түркістан облысында өсім 355 мың адамды құрайды, бұл 878,7 мың адамға дейін, яғни 1,7 есе өсуге сәйкес келеді.

Бұған дейін Жамбыл прокуратураның бастамасымен сумен қамтамасыз ету мәселелерін шешу бойынша пилоттық жоба іске қосылатындығы хабарланған болатын.