21 қарашада Қазақстанда теледидар мен радио жұмыс істемейді

12:24, 18 қараша 2024

© Фото: pixabay

2024 жылғы 21 қараша, бейсенбіде Қазақстан аумағында теле-радио арналар уақытша тоқтатылады. Бұл туралы "Қазтелерадио" АҚ мәлімдемесінен белгілі болды, деп хабарлайды Zakon.kz.

Таратылған ақпаратқа сүйенсек, "Қазтелерадио" АҚ телерадио хабарларын таратудың үздіксіз әрі сапалы болуын қамтамасыз ету мақсатында тоқсан сайын жерсеріктік, цифрлық және аналогты эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.

Сондықтан қазақстандықтарға алдын ала ескертіледі:

"2024 жылдың 21 қараша айында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, яғни жұмыстар жүргізілген кезде Қазақстанның барлық аумағында телерадиоарналарды ретрансляциялау уақытша тоқтатылады".

Сөз соңында уақытша қолайсыздықтар үшін кешірім сұрады.

Бұған дейін қазақстандық фермерлерден астық сатып алуға Үкімет резервінен 10 млрд теңге бөлінетіндігі хабарланған болатын.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!