4 желтоқсандағы саудада доллар бағамы қайта көтеріле бастады

Қазақстан қор биржасында (KASE) 2024 жылғы 4 желтоқсанда сағат 15:30-да шетел валюталары бойынша күнделікті сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы 0,37 теңгеге көтеріліп, 523,58 теңгені құрады.

Юань бағамы 71,90 теңгеге дейін (+0,21) аздап өсті.

Ақша айырбастау орындарында доллар 522,01-528,98 теңгеге, еуро 542,92-553,03 теңгеге, рубль 5-5,10 теңгеге сатылуда.

Бұл ретте 4 желтоқсандағы аукционда мұнай бағасы көтеріліп жатыр.

Brent маркалы мұнай 23 центке немесе 0,3%-ға қымбаттады. Қара алтын барреліне 73,85 доллардан сатылуда. Америкалық WTI мұнайы 19 центке немесе 0,3%-ға қымбаттады. Тауар фьючерстері барреліне 70,13 доллар тұрады.

Таңертең Ұлттық банк доллар бағамын 523,17 теңге, еуроны – 550,06 теңге, рубльді – 4,93 теңге деп бекітті.