Мемлекеттік қызмет көрсету жағынан артта қалған министрліктер аталды

© Сурет: primeminister.kz
Цифрлық даму, инновациялар және аэроғарыш өнеркәсібі министрі Бағдат Мусин мемлекеттік қызмет көрсету сапасы жағынан артта қалған министрліктерді атады, деп хабарлайды zakon.kz.
Оның айтуынша, министрлік электрондық мемлекеттік қызметтер бойынша орталық мемлекеттік органдар қызметінің тиімділігіне жыл сайын бағалау жүргізеді.
Ол мемлекеттік қызметтерді электрондық форматқа көшіруді, мемлекеттік қызметтерді автоматтандырудың тиімділігін және электрондық қызметтерге қол жеткізуге әсер еткен ақпараттық жүйелердің істен шығуын есепке ала отырып жүргізіледі.
Көбінесе электрондық қызметтердің жұмыс сапасы мемлекеттік органдардың ақпараттық жүйелеріне байланысты болады. Мысалы, 2020 жылы 200 сағаттан астам үзіліс тіркелді. Антилидерлер - Ішкі істер, Ауыл шаруашылығы және Денсаулық сақтау министрлігінің ақпараттық жүйелері, - деп хабарлады Бағдат Мусин Мәжілістегі Үкімет сағаты кезінде.
Осылайша, мемлекеттік қызметтерді көрсету сапасын арттыру үшін министрлік жанындағы цифрлық трансформация орталығы қызметтерді банктердің танымал қосымшаларына шығарады. Мысалы, қазір қазақстандықтар сол жерде көлікті тіркей алады немесе қайта тіркеуден өте алады.
Мемлекеттік қызметтерді сыртқы платформаларға шығару процесті айтарлықтай оңтайландыру мен автоматтандыруға, сондай-ақ азаматтардың уақыты мен шығындарын үнемдеуге әсер етті. Бұл жағдайда автокөлікті сатып алушыға да, сатушыға да өтініш беру үшін ХҚКО-ға барып, кезек күтудің қажеті жоқ. Бұл тәсілдер пандемияны ескере отырып, аса маңызды, - деп атап өтті министр.
Бұған дейін ол 2 мыңға жуық мемлекеттік қызмет онлайн қолжетімді болатынын хабарлаған болатын.
Бақытжан Отарбаева
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
15:51, 17 желтоқсан 2021
Алматы облысындағы республикалық тас жол қолайсыз ауа райына байланысты жабылды
-
19:22, 7 желтоқсан 2021
Ақмола облысында орын алған жаппай жол апаты салдарынан 10 адам зардап шекті
-
16:42, 7 желтоқсан 2021
Қарағандыда бірнеше көлік жол жиегіне ұшып кетті
-
15:42, 3 желтоқсан 2021
Tesla балалар көлігін шығарды
-
00:00, 2 желтоқсан 2021
Жазғы дөңгелекпен жүрген жүргізушілер айыппұл төлеп жатыр