Қытайлық гиперкар жылдамдық бойынша әлемдік рекорд орнатты

20 қыркүйекте Қытайдың BYD автокөлік өндірушісі Yangwang U9 Xtreme гиперкарының жаңа рекорд орнатқанын жариялады, деп хабарлайды Zakon.kz.

Германияның Папенбург қаласындағы трассада жүргізуші Марк Бассенг 496,22 км/сағ жылдамдыққа жетті. Осылайша ол 2019 жылы орнатылған Bugatti Chiron Super Sport 300+ (490 км/сағ) рекордын жаңартты. Бұл жетістік аталған көлікті әлемдегі ең жылдам сериялық көлік етті.

496.22 km/h! A moment that makes history.

At ATP Automotive Testing Papenburg, the YANGWANG U9 Xtreme has rewritten the record books, becoming the world’s fastest production car.

#YANGWANG #U9X #TopSpeedWorldRecord #BYD #ThePursuitBeyond pic.twitter.com/woBB03Gm1J

— BYD Europe (@BYD_Europe) September 20, 2025

Автокөлік әр дөңгелегінде жеке электрқозғалтқышпен жабдықталған, жалпы қуаты – 2978 ат күшін құрайды. Батареяның қуаты 450 км жол жүруге жетеді, ал жылдам қуаттау стансасында қуатты 30%-дан 80%-ға дейін небәрі 10 минутта толтыруға болады.

Бұған дейін Қытай компаниясының туристерді ғарышқа 200 мың долларға тасуды жоспарлап отырғанын жазғанбыз.