Трамп Ресей мұнайына байланысты Үндістанға 25 пайыздық баж салығын салды

АҚШ президенті Ресейден мұнай сатып алуына байланысты Үндістаннан келетін импорт тауарларға қосымша 25% баж салығын салу туралы жарлыққа қол қойды, деп хабарлайды Zakon.kz.

Үндістанға қарсы баж салығын енгізу туралы жарлық мәтіні Ақ үйдің сайтында жарияланды.

"Үндістан үкіметі қазіргі уақытта Ресей Федерациясынан мұнайды тікелей немесе жанама түрде импорттап алып отыр деп ойлаймын. Тиісінше, қолданыстағы заңнамаға сәйкес Үндістаннан Америка Құрама Штаттарының кедендік аумағына импортталатын тауарларға арнайы мөлшерлеме бойынша қосымша 25 пайыз баж салынады", делінген жарлықтың мәтінінде.

Бұл тариф құжатқа қол қойылғаннан кейін 21 күннен кейін күшіне енеді. Сондай-ақ, Ақ үй Үндістаннан бөлек Ресей мұнайын импорттайтын басқа елдерге де тариф саясатын қатаңдатуы мүмкін.

Бұған дейін Путин АҚШ президентінің арнайы өкілі Стивен Уиткоффты қабылдағаны хабарланған.