Сирияда Башар Асад билігі құлады

Сирия әскерінің қолбасшылығы офицерлерге президент Башар Асад билігінің аяқталғанын мәлімдеді, деп хабарлайды Zakon.kz.

Бұл туралы офицерлер арасындағы дереккөзге сілтеме жасап Reuters хабарлады.

"Сирия әскерінің қолбасшылығы офицерлерге президент Башар Асадтың 24 жылдық авторитарлық билігінің аяқталғаны туралы хабарлады", - делінген хабарламада.

Агенттіктің материалында Сириядағы көтерілісшілер Дамаск "қазір Асадтан азат" деп мәлімдегені туралы айтылған.

Асад үкіметінің премьер-министрі Мұхаммед Қазы әл-Жалел "Сирия халқы таңдаған кез келген басшылыққа билікті бейбіт түрде тапсыратынын" мәлімдеді.

"Сирия көрші және әлем елдерімен жақсы қарым-қатынас орнататын қалыпты ел бола алады. Бұл Сирия халқы таңдаған басшылыққа байланысты болады. Біз келген билікпен әріптестік орнатуға дайынбыз", - деді премьер-министр.

Башар Асадтың қайда екені белгісіз.