Қырғызстанда президент әкімшілігінің қызметкері парамен ұсталды

17:01, 19 қазан 2021

© Сурет: zakon.kz

Қырғызстан ұлттық қауіпсіздік мемлекеттік комитетінің хабарлауынша, президент әкімшілігі рақымшылық жөніндегі комиссияның жауапты хатшысы А.Т.Б парамен ұсталды, деп хабарлайды zakon.kz Орталық Азияның жаңалықтар қызметіне сілтеме жасап.

Арнайы қызмет мәліметінше, "сотталғандарды уақытынан бұрын босату, рақымшылық жасау тізімдерін дайындау барысында жемқорлық әрекеттері болғаны анықталды".

Комитеттің хабарлауынша, комиссияның жауапты хатшысы қызмет бабын асыра пайдаланып, сотталушыны рақымшылыққа ілінгендер тізіміне қосу үшін 170 мың сом (2 мың доллар) сұраған. 18 қазанда ол пара алу кезінде ұсталып, арнайы қызметтің тергеу изоляторына қамалды.

Президенттің ресми сайтындағы мәлімет бойынша, Рақымшылық жөніндегі комиссияның жауапты хатшы қызметін Таалайбек Апенов атқарған.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!