Коронавирусқа қарсы вакциналар тиеген жүк көлігі суретке түсіп қалды

Pfizer компаниясы шығарған коронавирусқа қарсы вакцинаның алғашқы партиясын тиеген жүк көліктері Ұлыбритания көшелерінің бірінде суретке түсірілген, деп хабарлайды zakon.kz Unilad-ке сілтеме жасап.

Pfizer компаниясының Ұлыбританиядағы менеджері Бен Осборн тауарды тасымалдау кестесі бұрын әзірленгенін, ал бұл жүк сол кестеге сай жеткізіліп жатқанын айтты.

- Процесс басталды. Жақын күндері шамамен 800 000 дозаны жібереміз деп жоспарлап отырмыз, - деді ол.

Ұлыбритания - Pfizer-дің коронавирусқа қарсы вакцинасын жалпыға қолдануға мақұлданған алғашқы ел. Дәрі-дәрмек пен денсаулық сақтау өнімдерін реттеу агенттігі (MHRA) коронавирусқа қарсы 95% қорғауды қамтамасыз ететін вакцинаның қауіпсіз екенін айтты.