Boeing ұшағы ұшу-қону жолағынан шығып кетті: бес адам қаза тапты

11:53, 7 қыркүйек 2026

MKZ: 1565537

© Сурет: pexels

Amazon Prime Air компаниясына тиесілі жүк тасымалдайтын Boeing 767 ұшағы АҚШ-тың Флорида штатындағы Майами халықаралық әуежайында ұшу-қону жолағынан шығып кетті, деп хабарлайды Zakon.kz.

Oxu.Az басылымы жазғандай, ұшақ жолды кесіп өтіп, тоқтаған. Жарияланған кадрларда Boeing 767 ұшағы ұшу-қону жолағынан тыс жерде тұрғаны, ал оның маңында жедел қызмет өкілдері жүргені байқалады.

Оқиға әуежай жұмысына әсер етті. Жағдайды АҚШ-тың Федералдық азаматтық авиация басқармасы мен Ұлттық көлік қауіпсіздігі кеңесі тексеріп жатыр.

Апат салдарынан бес адам қаза тауып, тағы бірнеше адам жарақат алып, ауруханаға жеткізілді. Оқиға жергілікті уақыт бойынша сағат 13:58-де (Қазақстан уақытымен 22:58) болған. Қазіргі уақытта тұрғындарға қауіп төніп тұрған жоқ.

Бұған дейін Boeing ұшағы Атлант мұхитының үстінде белгісіз себеппен апаттық сигнал бергені туралы жазған едік.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!