Алтын бағасы қысқа уақыт ішінде күрт төмендеді

Comex биржасында желтоқсанда жеткізілетін алтын фьючерсінің бағасы 2026 жылғы 7 тамыздан бері алғаш рет бір троя унциясы үшін 4350 доллардан төмен түсті, деп хабарлайды Zakon.kz.

Oxu.Az мәліметінше, 2 қыркүйекте Қазақстан уақытымен сағат 06:51-де алтынның бағасы 3,08%-ға арзандап, бір троя унциясы үшін 4343,6 доллар болды.

Сағат 07:10-да бағалы металдың арзандауы жалғасып, фьючерс құны 3,21%-ға төмендеді. Нәтижесінде бір троя унциясы алтынның бағасы 4337,5 долларды құрады.

Бұған дейін алтын бағасының 19 тамызбен салыстырғанда күрт өзгергені хабарланған еді. Сондай-ақ қаражатын алтынға салуды жоспарлап жүргендер үшін оны дұрыс сатып алудың үш тәсілі туралы жазған болатынбыз.