Абылайхан Жүсіпов Азия чемпионатының алтынына таласады

17:02, 8 желтоқсан 2024

Қазақстандық боксшы Абылайхан Жүсіпов Азия чемпионатының финалында өнер көрсетеді, деп хабарлайды Zakon.kz.

Бүгін, 8 желтоқсанда Таиланд Корольдігінің Чиангмай қаласында өтіп жатқан Азия чемпионатында бесінші боксшымыз ақтық сынға жолдама алды.

1/2 финалда тәжірибелі жерлесіміз Тәжікстан өкілі Шохобжон Шукуровпен кездесті.

Өте салқынды қимылдаған Абылайхан барлық раундта сауатты түрде қорғанып, шабуылдай білді. Есеп: 5:0.

Еске салайық, бұған дейін қазақстандық боксшы Санжар Тәшкенбай, Махмұд Сабырхан, Оразбек Асылқұлов және Дулат Бекбауов Азия чемпионатының финалына шыққанын жазған едік.

Бүгін, 8 желтоқсанда бокстан Азия чемпионаты аясында ерлер арасындағы жартылай финалдық жекпе-жектер өтіп жатыр.

Бұл кезеңде Қазақстан құрамасының он өкілі шаршы алаңға шығады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!