Таеквондодан жасөспірімдер арасындағы ӘЧ: Қазақстан жалпыкомандалық есепте екінші орын алды

Фуджейра (БАӘ) қаласында таеквондодан жасөспірімдер арасындағы әлем чемпионаты аяқталды.

Алтын медаль иегерлері – Хамзаальпер Ромашкин (61 келіге дейін) мен Жантөре Сағынғали (65 келіден жоғары).

Күміс жүлдені Аятжан Әмірханов (57 келіге дейін) жеңіп алды.

Ал Алла Цой (47 келіге дейін) мен Аида Ғожалымова (51 келіге дейін) қола медальға ие болды.

Жалпыкомандалық есепте Қазақстан 87 елдің ішінде екінші орынға тұрақтады.