Рыбакинаның US Open-дегі қарсыласы – 17 жастағы актриса

1 қыркүйекте Елена Рыбакина мен 17 жастағы америкалық теннисші Тея Фродин алғаш рет теннис кортында кездеседі, деп хабарлайды Zakon.kz.

Америкалық теннисші үшін бұл Үлкен дулыға турнирінің негізгі кезеңіндегі дебют болмақ. Фродин 18 жасқа дейінгі қыздар арасындағы АҚШ чемпионатында жеңіске жеткеннен кейін wild card иеленді. Турнир барысында ол рейтингі жоғары бес қарсыласын жеңді. Қазір ол WTA рейтингінде 580-орында тұр.

Фродиннің бойы шамамен 183 сантиметр. US Open турнирінде оның ойыны агрессивті әрі креативті деп сипатталуда.

"Теннисші өзінің ойын арсеналын үнемі кеңейтуге ұмтылады", – делінген Тея Фродин туралы жарияланымда.

Алайда Фродин тек теннистегі жетістіктерімен ғана танымал емес. Ол 12 жасында атақты америкалық теннисші Серена Уильямстың отбасы туралы түсірілген "Король Ричард" фильмінде жас Серенаның дублері болған. Фродин шамамен алты ай түсірілім алаңында болып, Серенаның теннистегі қимылдарын қайталаған.

Матч алдында Фродин Рыбакинамен кездесуді өзінің арманының орындалуы деп атады. Ол әлемнің екінші ракеткасына қарсы ойнайтынын түсінетінін және өзіндегі ең үздік теннисті көрсетуге тырысатынын айтты.

Айта кетейік, WTA-ның live-рейтингінде Елена Рыбакина қазірдің өзінде бірінші орында тұр.