Қазақстан таеквондошылары Оңтүстік Кореядағы турнирде күміс медаль иеленді

13:58, 13 шілде 2025

MKZ: 1492780

© Сурет: Facebook/Kazakhstan Taekwondo Federation - WT

Қазіргі уақытта Оңтүстік Кореяның Муджу қаласында таеквондодан "World Taekwondo Diamond Game" турнирі өтіп жатыр, деп хабарлайды Zakon.kz.

Жарыс барысында ұлттық құрама алдымен Францияны 2:0, одан кейін Өзбекстанның A құрамасын 2:1 есебімен жеңіп, финалға шыққан. Бірақ шешуші сәтте отандық спортшылар Өзбекстанның B құрамасына 0:2 есебімен есе жіберіп, күміс медаль иеленді.

Ел құрамасының сапында Мерген Ганиев, Абдурахмон Марипов, Камила Аймұқашева және Аида Таукенова өнер көрсетті.

Айта кетсек, аралас-командалық жарысқа барлығы 13 команда қатысты.

Бұған дейін Қазақстан ұлттық құрамасы финалға шыққанын хабарлағанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!