Қазақстан әйелдер құрамасы күрестен Азия чемпионатының алғашқы күнінде жүлдесіз қалды

Амманда (Иордания) әйелдер күресінен Азия чемпионатының финалдық кезеңі басталды, деп хабарлайды Zakon.kz.

Қазақстан құрамасының үш спортшысы қола медаль үшін бақ сынады. Алайда олардың ешқайсысы жүлдеге қол жеткізе алмады.

50 келі салмақта Светлана Анкичева Моңғолиядан барған Мунхнар Бямбасуренге жол берді.

59 келі салмақта Гүлдана Бекеш қытайлық Менгю Сеге есе жіберді.

68 келі салмақта Ирина Казюлина Үндістан өкілі Манси Лазаға ұтылды.

Осылайша, Қазақстан құрамасы әйелдер күресінен Азия чемпионатының алғашқы күнінде жүлдесіз қалды.