Әртістік жүзуден ӘЧ-2025: Қазақстан құрамасы командалық сайыста финалға өтті

14:27, 19 шілде 2025

MKZ: 1493828

© Сурет: olympic.kz

Сингапурда су спорты түрлерінен әлем чемпионаты жалғасуда. 19 шілдеде әртістік жүзуден командалық сайыс өтті, деп хабарлайды Zakon.kz.

Отандастарымыз командалық еркін жаттығуда 261.9755 ұпай жинап, 8-орынға тұрақтады.

Құрама сапында Наргиза Болатова, Ясмин Тұяқова, Даяна Джаманчалова, Ксения Макарова, Әйгерім Құрманғалиева, Анна Павлецова, Валерия Столбунова өнер көрсетті.

Командалық сайыстың финалдық кезеңі 20 шілдеде өтеді.

Бұған дейін Триатлоннан жастар арасындағы Азия кубогында Қазақстан құрамасы бір алтын, бір қола медаль иеленгенін жазғанбыз.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!