Жетісу облысында қар мен балшыққа батқан қос көліктегі жолаушылар тікұшақпен эвакуацияланды

Жетісу облысының Қаратал ауданында екі тұрғын жеңіл автокөлікпен қыстаудан Үштөбе қаласына қарай жолға шығып, лай жол мен қалың қарға батып қалған. Көмекке бортында құтқарушылар тобы бар "Қазавиақұтқару" тікұшағы жіберілді, деп хабарлайды Zakon.kz.

ҚР ТЖМ баспасөз қызметінің хабарлауынша, құтқарушылар алдымен бірінші автокөлікті анықтады. Ол жолдың тазартылған учаскесіне сәтті сүйреп шығарылды, содан кейін жүргізуші ТЖД қызметкерлерінің сүйемелдеуімен жолын жалғастырды.

"Кері қайтар жолда тікұшақ экипажы далада қалып қойған тағы бір жеңіл автокөлікті байқады. Оның ішінен тағы екі адам эвакуацияланды", делінген хабарламада.

ТЖМ бағдардан жаңылған жағдайда автокөліктен шықпауды, 112 нөміріне қоңырау шалып, көмек күтуді ұсынады.