Жанәбіловтар рақымшылыққа ілігуі мүмкін бе - ІІМ жауап берді

2026 жылғы 11 маусымда Сенат кулуарында Ішкі істер министрінің орынбасары Санжар Әділов блогерлер Ерболат Жанәбілов пен Эльмира Төлегеноваға рақымшылық қолдану мүмкіндігіне қатысты түсініктеме берді, деп хабарлайды Zakon.kz тілшісі.

Журналистер сот үкімі шыққан блогерлердің рақымшылыққа ілінуі мүмкін бе деген сұрақ қойды.

Санжар Әділов бұл сұраққа нақты жауап берді:

"Жанәбіловтар бойынша жауап біржақты: жоқ. Олар рақымшылыққа жатпайды. Оларға қатысты қылмыстық жауапкершіліктен босату түріндегі де, жазаны қысқарту түріндегі де рақымшылық қолданылмайды. Аталған бап бойынша оларға рақымшылық тікелей қолданылмайды", – деді ол.

Айта кетейік, 2026 жылғы 27 сәуірде Астана қаласында блогерлер Ерболат Жанәбылов пен Эльмира Төлегеноваға қатысты сот үкімі шыққан болатын. Сот шешімімен Ерболат Жанабылов Қылмыстық кодекстің 214-бабы 2-бөлігі 2-тармағы ("Заңсыз кәсіпкерлік") және 218-бабы 2-бөлігі 1-тармағы ("Қылмыстық жолмен алынған ақшаны немесе өзге мүлікті заңдастыру") бойынша кінәлі деп танылды. Оған 2 жыл бас бостандығынан айыру жазасы тағайындалып, мүлкі тәркіленді. Алайда сот Қылмыстық кодекстің 63-бабы 1-бөлігіне сәйкес жазаны шартты деп танып, пробациялық бақылау белгіледі. Эльмира Төлегенова да осы баптар бойынша кінәлі деп танылып, 2 жыл бас бостандығынан айыру жазасына кесілді. Сот шешімімен жазаны өтеу мерзімі 2 жылға кейінге қалдырылып, мүлкі тәркіленді.