Таеквондодан АҚШ-та өтетін Grand Prix Challenge турнирінде ел намысын кімдер қорғайды

Таеквондодан Қазақстан ұлттық құрамасы 13-15 маусым аралығында АҚШ-тың Шарлотт қаласында өтетін World Taekwondo Grand Prix Challenge халықаралық турнирінің алғашқы кезеңіне қатысады, деп хабарлайды Zakon.kz.

Құрама сапына енген спортшылар:

• Темірлан Тілеулес (58 келіге дейін);
• Бектөре Оралханов (58 келіге дейін);
• Газез Нұрбек (68 келіге дейін);
• Батыpхан Төлeуғали (80 келіге дейін);
• Нодира Ахмедова (49 келіге дейін);
• Рита Бәкішева (49 келіге дейін);
• Нұрай Хұсайынова (67 келіге дейін).

"Біз бұл турнирге жақсы дайындалдық. Соңғы оқу-жаттығу жиынын Иранда өткіздік. Онда біз атақты спортшылармен бірге дайындалып, жаттығу жекпе-жегін өткіздік. Бұл, әсіресе, жас спортшылар үшін өте құнды тәжірибе болды. Қазір ұлттық құраманың физикалық және тактикалық дайындығы жоғары деңгейде. Grand Prix Challenge - бұл әлемдік рейтингтегі орнымызды нығайтудың ғана емес, сонымен қатар 2028 жылы Лос-Анджелесте өтетін Олимпиада алдындағы маңызды халықаралық тәжірибе жинаудың мүмкіндігі", - деді Қазақстан құрамасының бас бапкері Есбол Сұлтанов.

Айта кетейік, бұл жарысқа әлемнің 44 елінен 376 спортшы қатысады.