СҚО-да соңғы Ұлы Отан соғысы ардагері көз жұмды

14:37, 6 қаңтар 2026

© Сурет: Instagram/gaueznurmukhambetov

Солтүстік Қазақстан облысында Ұлы Отан соғысының ардагері Федор Щеглов қайтыс болды, деп хабарлайды Zakon.kz.

Қаралы хабарды бүгін, 2026 жылғы 6 қаңтарда СҚО әкімі Ғауез Нұрмұхамбетов жеткізді.

"Бүгін Ұлы Отан соғысының ардагері Федор Васильевич Щеглов өмірден озды. 99 жасқа толуына небәрі бірнеше күн қалған еді. Ол өңірдегі соңғы ардагер болатын",- деп жазды әкім желідегі парақшасында.

Өңір басшысының айтуынша, Федор Васильевичтің өмірі – төзімділіктің, адалдықтың және Отанға шексіз сүйіспеншіліктің айқын үлгісі.

"Ол әскери жолын 17 жасында бастап, 371-ші атқыштар дивизиясының құрамында ауыр жылдарды өткерді. Соғыстан кейін құрылыс саласында еңбек етіп, бейбіт заманда да елге адал қызметін жалғастырды",- делінген жазбада.

Ғауез Нұрмұхамбетов жыл сайын мен Федор Васильевичке барып тұратынын атап өтті.

"Оның әңгімелері – даналыққа, Отанға деген шексіз сүйіспеншілікке толы еді. Сол естеліктер әрдайым жүрегімізде сақталады. Жақындарына қайғыра көңіл айтамын. Федор Васильевичтің ерлігі, еңбегі және жарқын бейнесі солтүстікқазақстандықтардың жадында мәңгі сақталады!".Ғауез Нұрмұхамбетов