SIM-картаны тіркеудің жаңа тәртібі: Ресейге баратын Қазақстан азаматтарына ескерту жасалды

Қазақстанның Ресейдегі елшілігі бүгін, 2025 жылғы 22 қаңтарда ел азаматтарына маңызды ақпаратпен бөлісті, деп хабарлайды Zakon.kz.

Дипломатиялық өкілдіктің Telegram-дағы арнасында жарияланған хабарламада:

"2025 жылғы 1 қаңтардан бастап шет мемлекеттердің, оның ішінде Қазақстанның азаматтары Ресейде SIM-картаны тек биометрия бойынша рәсімдей алады".

2024 жылғы 13 қарашада Ресейде шетелдіктердің, оның ішінде Қазақстан азаматтарының биометрияны тапсыруы бойынша тәжірибе өтетіні белгілі болды. Бұл туралы Ресей Федерациясының цифрлық даму, байланыс және бұқаралық коммуникациялар министрлігінде мәлімдеген еді.