Шымкентте 20 жастағы қызды жалдамалы пәтерде тұншықтырып өлтіріп кетті
Шымкентте бойжеткеннің мәйіті табылды. 20 жастағы қызды жалдамалы пәтерлердің бірінде тұншықтырып өлтіріп кеткен. Пәтер иесі марқұмның денесін тек екі тәуліктен кейін ғана байқапты. Себебі, баспананы жалға алған жігіт есікті сыртынан құлыптап, өзі белгісіз жаққа қашып кеткен көрінеді. Осы іс бойынша қылмыстық іс қозғалып, тергеу амалдары жүріп жатыр, деп хабарлайды zakon.kz Еуразия бірінші арнасына сілтеме жасап.
Бойжеткеннің мәйіті 18-ші шағын аудандағы "Атамекен" тұрғын үй кешенінен табылған. Үй төрайымының сөзінше, мұнда жалға берілетін пәтерлер көп көрінеді. Әлгі күдікті де осы жерден екі тәулікке пәтерді жалға алыпты. Сөйтіп өзімен бірге бойжеткенді ертіп келген.
Мына суретте марқұмның етбетінен жатқан денесін байқауға болады. Оның жанында тоққа қосылған ұялы телефон мен шаш бұйралайтын құрылғы жатыр.
Полицейлер марқұмның Түркістан облысының тұрғыны болғанын айтады. Жасы 20-да екен.
Ералы Жұмаханбетов, Шымкент қаласы ПД басшысы:
Мәйітті қарау барысында мойын тұсында қылқындыру белгілері анықталып, сот-дәрігерлік сараптама қорытындысымен қылқындырудың нәтижесінде қайтыс болғаны белгілі болды.
Осы оқиға бойынша, адам өлтіру бабымен сотқа дейінгі тергеу амалдары басталды. Шұғыл іске кіріскен тәртіп сақшылары күдіктінің жеке басын анықтап, көп ұзамай қолға түсірген. Ол Түркістан облысының 23 жастағы тұрғыны екен. Жігіт сол маңдағы бейнекамераға түсіп қалыпты.
Марқұмның денесін алғаш пәтер иесі байқапты. Екі тәулікке жалға алған жігіттен хабар болмаған соң, өзі үйге келіп, сұмдық жағдайды көрген. Полицейлерді шақырған да сол кісі екен. Ал үй төрайымы естіп-білгенін былайша баяндап берді.
Зубайра, тұрғын үй кешенінің төрайымы:
Тыныш болғанда енді екі өлім. Ана жақта бізде бір жігіт қайтыс болған 10-шы этаждан құлап кеткен.Тоже квартира снимать еткен. Жас жігіт 29-да. Мына кісі енді 20-жастағы қыз. Еще беременная.
Осы күні күдікті қамауға алынған. Қаскүнемнің неліктен жас қыздың өмірін қиғаны әзірге белгісіз. Жай-жапсары тергеу барысында белілі болады дейді полицейлер.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
12:24, 19 ақпан 2025
Жетісу облысының прокуратурасы алаяқтар пайдаланатын интернет ресурстарын бұғаттады
-
12:16, 19 ақпан 2025
Қызылорданың прокурорларымен бюджет қаражатын жымқыру фактісі анықталды
-
12:04, 19 ақпан 2025
Қостанай облысында полицейлер қарда жүретін көлікпен браконьерлер тобын ұстады
-
11:58, 19 ақпан 2025
Жамбыл облысында көлік тізгіндеген 15 жастағы жасөспірім полициядан қашқан
-
11:49, 19 ақпан 2025
Қылмыстық іс пен миллиондаған қарыздар: қарағандылық әйел сіңілісінің орнына сотталды
Танымал жаңалықтар
-
14:16, 18 ақпан 2025
-
19:24, 18 ақпан 2025
-
22:46, 18 ақпан 2025
-
13:08, 18 ақпан 2025
-
13:17, 18 ақпан 2025
-
18:43, 18 ақпан 2025
-
13:54, 18 ақпан 2025
-
15:45, 18 ақпан 2025
-
22:10, 18 ақпан 2025
-
21:53, 18 ақпан 2025
-
21:38, 18 ақпан 2025
-
17:15, 18 ақпан 2025
-
15:21, 18 ақпан 2025
-
15:05, 18 ақпан 2025
-
12:44, 18 ақпан 2025