Шымкентте заңсыз майнинг фермасын ұйымдастырған екі азамат 100 миллион теңгеден астам табыс тапты
© Фото: Zakon.kz
Шымкент қаласының аумағында криптовалюта өндіру бойынша заңсыз майнинг фермасын ұйымдастырған екі азаматтың қылмыстық іс-әрекетін ҚР ҚМА қызметкерлері әшкереледі, деп хабарлайды Zakon.kz.
2023 жылғы сәуір мен 2024 жылғы ақпан аралығында аталған тұлғалар жалпы сомасы 100 млн теңгеден астам аса ірі мөлшерде кіріс ала отырып, майнингтік ферма ұйымдастырғаны анықталды.
Олар жалпы сомасы 370 млн теңге болатын 1000 дана ASIC майнерлер (биткоин өндіру жабдығы) мен заңсыз өндірілген цифрлық активтер (биткоиндар) түріндегі мүлкі тәркіленіп, сәйкесінше 2 жылға бас бостандығынан айыруға және 2,5 жылға бас бостандығын шектеуге үкім шығарылды.
Жалпы, ағымдағы жылдың басынан бері қылмыстық табысы 400 млн теңгеге жуық заңсыз майнингтік фермаларды ұйымдастырудың 4 фактісі анықталды.
Айта кетейік, криптовалюта өндіру саласындағы заңсыз қызмет елдің экономикалық қауіпсіздігіне нұқсан төндіретін тәуекелдердің туындауына әкеп соғады, тұтынушылар мен кәсіпкерлерге электр энергиясын жеткізудің іркілу және тапшылық тәуекелдері артады.
Қаржылық мониторинг агенттігі аталған қызмет түріне тиісті лицензия болған жағдайда ғана рұқсат етілгенін ескертеді.
Егер сіз экономикалық құқық бұзушылықтар фактілері жайлы білсеңіз, "АФМ Insider" телеграм ботына хабарлауыңызды сұраймыз.
Анонимділікке кепілдік беріледі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
11:10, 9 қазан 2024
Елімізде 4 мыңнан астам науқас ағза ауыстыруға мұқтаж
-
10:58, 9 қазан 2024
Биыл Абай облысында балалардың қатысуымен 200-ден астам жол-көлік оқиғасы болды
-
10:47, 9 қазан 2024
Конго Демократиялық Республикасында маймыл шешегін жұқтырғандар саны 30 мыңнан асып кеткен
-
10:35, 9 қазан 2024
Соңғы 5 жылда алғаш рет Аралға су жіберу жоспары 100%-ға жуық орындалды
-
10:19, 9 қазан 2024
Алматы әкімі Ерболат Досаев Халықаралық әуежайдың қызметіне қатысты кеңес өткізді