Шымкентте көлігінен 4 млн теңгенің заты табылған ер адам қамауға алынды

Шымкентте полиция қызметкерлері электрондық тұтыну жүйелерін заңсыз сатумен айналысқан азаматты ұстады. Жедел-іздестіру іс-шаралары барысында күдіктінің автокөлігінен жалпы саны 400 вейп табылып, тәркіленді, деп хабарлайды Zakon.kz.

Қалалық полиция департаменті баспасөз қызметінің хабарлауынша, тәркіленген өнімдердің жалпы құны — 4 миллион теңге.

Аталған дерек бойынша қылмыстық іс қозғалып, сотқа дейінгі тергеп-тексеру амалдары жүргізіліп жатыр.

Полиция елімізде электрондық тұтыну жүйелерін, яғни вейптерді сатуға, таратуға, әкелуге және өндіруге заңмен қатаң тыйым салынатынын ескертеді. Аталған талаптарды бұзғаны үшін қылмыстық жауапкершілік көзделген.

Посмотреть эту публикацию в Instagram

Публикация от Шымкент Қаласының Полиция Департаменті (@police_shymkent)