Шерзат Болаттың өліміне қатысты іс бойынша ұсталғандар саны 10 адамға жетті

Талғарда кәмелетке толмаған Шерзат Болаттың өліміне қатысты тағы үш күдікті ұсталды, деп хабарлайды Zakon.kz.

2024 жылдың 15 қазанында өткен баспасөз мәслихатында Ішкі істер министрінің бірінші орынбасары Бауыржан Әленов журналистерге оныншы сынып оқушысы Шерзат Болаттың өліміне қатысты қылмыстық іске 10 адамның қатысы бар екенін айтты.

"Бұл іс бойынша 10 адам күдікті деп танылды. Олардың барлығы кәмелетке толғандар. Ұсталғандар арасында бұрын бұзақылық үшін сотталғандар да бар. Тағы екеуі істің орбитасында, бірақ олар әлі ұсталған жоқ. Біз басқа бейнелерді зерттеп, егер заң бұзушылықтар анықталса, олар да жазаланады". Бауыржан Әленов

Бауыржан Әленов күдіктілердің "Хуторские" ұйымдасқан қылмыстық тобымен байланысы бар-жоғына қатысты түсініктеме берді.

"Қылмыстық іс бойынша: екеуі — ипподром қызметкері, екіншісі — күзетші, екеуі сұлулық салонында жұмыс істейді, яғни олардың ұйымдасқан қылмыстық топпен байланысы тексеріліп жатыр. Бірақ бізде "Хуторские" ұйымдасқан қылмыстық топ жоқ, Талғарда ондай аймақ бар, бірақ олардың еш қатысы жоқ". Бауыржан Әленов

Сондай-ақ, ІІМ өкілі Талғардағы жанжал бойынша бұзақылық, қорқыту, кісі өлтіру және қылмыс туралы хабарламау бойынша түрлі қылмыстық істер қозғалғанын түсіндірді.

4 қазан күні Талғарда жаппай төбелес болып, оның барысында 16 жастағы Шерзат Болат пышақ жарақатынан қаза тауып, тағы екі адам жараланған. Кейін марқұмның туыстары барлық кінәлілерді тауып, жазалауды сұрады. 12 қазанға қараған түні марқұм жасөспірімнің отбасының үйі өртеніп кеткен. Осы оқиғадан кейін бірден оқиға орнында жедел штаб құрылып, отбасы қорғауға алынды.

В Талгар в тот же день прибыл первый заместитель министра внутренних дел Бауржан Аленов и прокурор Алматинской области Берик Адамов.