Президентке Австралия, Кипр, Конго және Мьянма елшілері сенім грамоталарын табыстады

Президент Қасым-Жомарт Тоқаев бірқатар мемлекеттің елшілерінен сенім грамоталарын қабылдады, деп хабарлайды zakon.kz ҚР Президентінің ресми сайтына сілтеме жасап.

"Ақорда" резиденциясында өткен салтанатты рәсімде Мемлекет басшысына Австралия елшісі Грейм Михан, Кипр елшісі Андреас Зинонос, Конго елшісі Давид Мадука, Мьянма елшісі Ко Ко Шейн сенім грамоталарын тапсырды.

Қазақстан Президенті шетелдік дипломаттарды қызметтеріне ресми кірісуімен құттықтап, мемлекеттер арасындағы достық қатынастарды одан әрі дамытуға дайын екенін жеткізді.

Қасым-Жомарт Тоқаев елшілердің игілікті миссиясына табыс тілеп, олардың Мемлекет басшылары мен Үкіметтеріне өзінің сәлемін жолдады.