Полиция АҚШ азаматына туыстары туралы ақпаратты іздеуге көмектесті
© Сурет: ҚР ІІМ
Полиция АҚШ азаматына туыстары туралы ақпаратты іздеуге көмектесті. Қазақстанға келген ерлі-зайыпты ата-анасы ғұмыр кешкен қазақ жеріне және ағасы жерленген зиратқа барып тағзым етті.
.Америкалық Джефф Шайнгольд Қызылорда облысының полиция департаментіне әкесі туралы мәлімет сұрап жүгінді. Оның әкесі – ұлты еврей, Тереңөзек ауданында тұрған (қазіргі Сырдария) және 1943 жылы қуғын-сүргін кезінде қамауға алынған.
Полиция мұрағатында ұлының өтініші бойынша жан-жақты іздеу жұмыстары жүргізілді.
"2022 жылы ата-анамның 1942 жылы Қазақстанда Ұлы Отан соғысы кезінде тұрғанын білдім. Олар Польшадан нацистерден қашқан. Бізде сот хаттамасынан басқа мәліметтер болған жоқ. Іздеу нәтижесінде мұрағатта 80 жылға жуық сақталған құжаттар табылды. Олар менің ата-анам мен №6 ауылда жерленген ағама қатысты құжаттар. Полицейлердің арқасында біз олардың 1942 жылдан 1946 жылға дейін өмірлерінен біршама мағлұмат алдық", – дейді Джефф Шайнгольд.
Қазақстанға келген шетелдік ерлі-зайыпты ата-анасы ғұмыр кешкен қазақ жеріне және ағасы жерленген зиратқа барып, тағзым етті.
Олар ата-анасының қымбат бейнесін жадында сақтау үшін естеліктерімен бөлісті. Айта кету керек, облыстық полиция департаментінің мұрағатында 30 мыңнан астам құжат сақталған.
Бұл құжаттар туыстарының тағдыры туралы мәлімет іздеген жүз мыңдаған адамдарға, сонымен қатар тарихи ақпаратты толығымен қалпына келтіру үшін ғалымдар, журналистер мен тарихшылар үшін өте маңызды.
Арнайы мұрағаттың әлеуметтік-саяси маңыздылығы тек Қазақстанның ғана емес, шетел азаматтарының хаттарында да атап көрсетілген.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:57, 18 мамыр 2024
Еліміздің 18 өңірінде қолайсыз ауа райына байланысты ескерту жасалды
-
17:34, 18 мамыр 2024
Нариман Құрбанов Азия чемпионы атанды, ал Милад Карими күміс медаль жеңіп алды
-
17:12, 18 мамыр 2024
Mass Alert жер сілкінісін ескерту жүйесі 1 маусымға дейін Алматыда пилоттық режимде іске қосылады
-
16:30, 18 мамыр 2024
Мария Севостьянова таеквондодан Fзия чемпионатының жүлдегері атанды
-
15:51, 18 мамыр 2024
Астана тұрғындары қарасораны заңсыз өсіргені үшін сотталды