Павлодарда жүк көлігінің дөңгелегі жарылып, жұмысшы қаза тапты

12:08, 9 қыркүйек 2026

MKZ: 1565928

© Сурет: pixabay

2026 жылғы 7 қыркүйекте Павлодардың Үлкен айналма жолында адам өліміне әкелген жазатайым оқиға болды, деп хабарлайды Zakon.kz.

Әлеуметтік желілерде тараған ақпаратқа сәйкес, дөңгелек жөндеу орнында жұмыс істеп жатқан ер адамның басы жұлынып кеткен.

Павлодар облысы Полиция департаментінің баспасөз қызметі еңбек қауіпсіздігі талаптарын бұзу дерегі бойынша қылмыстық іс қозғалғанын мәлімдеді.

"Алдын ала мәлімет бойынша жүк көлігіне дөңгелек орнату кезінде ол жарылып кеткен. Салдарынан жұмысшы ауыр дене жарақатын алып, оқиға орнында көз жұмды. Қазір сотқа дейінгі тергеу жүргізіліп жатыр. Оқиғаның барлық мән-жайы анықталып жатыр. Сотқа дейінгі тергеу мүддесіне байланысты өзге ақпарат жарияланбайды", – делінген түсініктемеде.

Астанада құрылыс алаңдарында болған екі жазатайым оқиғаға қатысты тергеу жүргізіліп жатыр. Мұнаралы крандардың құлауы салдарынан екі жұмысшы қаза тапқан.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!